മാന്ദ്യകാലത്ത് പണി നഷ്ടപ്പെടുന്നവര്‍

ഒബാമ ഒഴിഞ്ഞ സെനറ്റ് സീറ്റ് ലേലം വിളിച്ച പൂച്ചക്കണ്ണുകളുള്ള യുഗോസ്ലേവ്യന്‍ സുന്ദരന് ജോലി നഷ്ടപ്പെട്ടു. നിന്ന നില്‍പ്പില്‍ ഔദ്യോഗിക വാഹനവ്യൂഹവും (ഹെലികോപ്റ്റര്‍ etc) സുരക്ഷാസേനയും ഇല്ലാതായതിനെ തുടര്‍ന്ന് അദ്ദേഹം അന്തിയ്ക്ക് എങ്ങനെ വീട് പറ്റും എന്നുപോലും നിശ്ചയമില്ല.  

ഉദ്ദേശിച്ച വില കിട്ടിയില്ലെങ്കില്‍ സെനറ്റ് സീറ്റ് e-bayയില്‍ auction ചെയ്യാനും ഉദ്ദേശമുണ്ടായിരുന്നെന്ന് ഇദ്ദേഹത്തിന്റെ ടെലിഫോണ്‍ സംഭാഷണങ്ങള്‍ സൂചന നല്‍കുന്നു.

ഒരു സെനറ്റ് സീറ്റൊക്കെ വില്‍ക്കുമ്പോള്‍ അല്‍പം കൂടി അടക്കവും ഒതുക്കവും ആകാവുന്നതാണ് എന്നും ഇതോടെ അഴിമതിക്കാരായ രാഷ്ട്രീയക്കാര്‍ മൊത്തത്തില്‍ ഞെട്ടിയിരിക്കുമെന്നും പൗരാവലി ആഗ്രഹിക്കുന്നു. ഇതിനു പിന്നില്‍ പ്രവര്‍ത്തിച്ച പോലീസുകാര്‍ക്ക് അഭിനന്ദനങ്ങള്‍.

ജോലി പോകാന്‍ മാന്ദ്യം തന്നെ വേണമെന്നില്ല.

ബ്ലാക്ക് ഈസ് ഇന്‍ | കറുമ്പന്മാര്‍ അകത്തുകടന്നിരിക്കുന്നു !

യുഗപുരുഷനായ അവതാരകന്‍ ലാറി കിംഗിനു പറ്റിയ ഒരു കുഞ്ഞ് അബദ്ധം ! (ക്ലിപ്).

റിവേഴ്സ് റേസിസത്തിന്റെ ഏറ്റവും പുതിയ ഉദാഹരണം.. he he.

"എന്റെ എട്ടു വയസ്സുള്ള ഇളയ മകന് കറുത്തവര്‍ഗ്ഗക്കാരനാകാന്‍ ആഗ്രഹം ! അതുകൊണ്ട് ധാരാളം പ്രയോജനങ്ങളുണ്ടല്ലോ. കറുമ്പന്മാര്‍ അകത്തു കടന്നിരിക്കുന്നു !!" എന്നാണ് ഇന്നലെ വീരന്‍ ഒരു അഭിമുഖത്തിനിടെ പറഞ്ഞ് പുലിവാല്‍ പിടിച്ചത്.  

എഴുപത്തഞ്ചു വയസ്സുള്ള ലാറിക്ക് എട്ടു വയസ്സുള്ള മകന്‍ ഉണ്ട് എന്നതു തന്നെ ചെറുതമാശയാണ്. മേമ്പൊടിയായി "ലാറിയെപ്പോലൊരു വിടുവായന്‍ എന്റെ അപ്പനാണെങ്കില്‍ ഞാനും കറുത്തവര്‍ഗ്ഗക്കാരന്‍ ആകാന്‍ ആഗ്രഹിച്ചേനെ" എന്നൊരു യൂട്യൂബ് സന്ദര്‍ശകന്റെ കമന്റും ! 

ചിരിപ്പിച്ചു.  

വെളുത്തവര്‍ക്ക് കറുത്തവരാകാനുള്ള പൂതി പുതുതാണോ. ആഫ്രിക്കന്‍ പൈതൃകസംഗീതമായ ഹിപ് ഹോപ് പാടി നടക്കുന്ന വെളുമ്പന്മാര്‍ എത്ര. പിന്നെ ആരാധനാപാത്രങ്ങളായ മൈക്ക് ടൈസനും പന്തുകളിക്കാരന്‍ മൈക്കിള്‍ ജോര്‍ഡനും. (മദാമ്മമാര്‍ക്കാണെങ്കില്‍ ഓപ്രയും ഡെന്‍സെലും). അമ്പതുകളിലെ വിഗ്ഗര്‍ ക്രെയ്സ് മാത്രം മതിയല്ലോ. കറുമ്പനായി ജനിച്ച് കരിയര്‍ പകുതിയായപ്പോഴേയ്ക്കും 'വെളുത്തു'പോയ ബഹറിന്‍കാരന്‍ പോപ് ഗായകനെ വെറുതെ വിട്ടിരിക്കുന്നു.  

ആട്ടെ പോട്ടെ ഇരിയ്ക്കട്ടെ. അമേരിക്കന്‍ രാഷ്ട്രപതിയുടെ കറുത്തവംശാവലി മാത്രം ഇത്രയധികം ചര്‍ച്ച ചെയ്യപ്പെടുന്നത് എന്തുകൊണ്ടായിരിക്കും ? അദ്ദേഹത്തിന്റെ അമ്മ വെളുത്തവര്‍ഗ്ഗക്കാരി. ആയകാലത്ത് നോക്കിവളര്‍ത്തിയ ഗ്രാന്‍ഡ്മദര്‍ വെളുത്തവര്‍ഗ്ഗക്കാരി.

ശ്ശെഡാ. വെല്‍ എഡ്യൂക്കേറ്റഡ്, വെല്‍ സ്പോക്കണ്‍, വെല്‍ ക്വാളിഫൈഡ് ആയ ഒരു സെല്‍ഫ് മെയ്ഡ് മനുഷ്യന്‍ എന്തെല്ലാം കേള്‍ക്കണം ?

രുചിയുള്ള കേരളം

നാടന്‍ ഭക്ഷണമെന്നാല്‍ ഷാപ്പിലെ കപ്പയും മീങ്കറിയും മാത്രമാണെന്നു മുതിര്‍ന്ന പ്രവാസികള്‍ തെറ്റിദ്ധരിപ്പിച്ചിരിക്കുന്ന രണ്ടാം തലമുറയ്ക്ക് സമര്‍പ്പണം

ഇന്നു വെളുപ്പിനെ കണ്ട സ്വപ്നത്തില്‍ നിന്ന്

നിങ്ങളിരിയ്ക്കുന്ന സോഫായ്ക്കു സമാന്തരമായിട്ടിരിയ്ക്കുന്ന മഞ്ചത്തില്‍

അങ്ങോട്ടു തിരിഞ്ഞാണവള്‍ കിടക്കുന്നത്; സുന്ദരി, മുപ്പത്തെട്ടുകാരി

മുഖം മാത്രം ചിരി കാണാന്‍ പാകത്തില്‍ ഇങ്ങോട്ട് തിരിച്ചുവച്ചിരിക്കുന്നു

ചുവന്ന ചുണ്ടുകള്‍, സ്ലിപ് ചെയ്ത സാരി, ചുവന്ന ബ്ലൗസ്

ദുഷ്ടാ, മതി നോക്കിയത്, മരിച്ചിരിയ്ക്കുകയാണവള്‍  

{ഇന്നു വെളുപ്പിനെ കണ്ട സ്വപ്നത്തില്‍ നിന്ന്}

സ്വപ്നം, : വിദേശത്ത് സര്‍വകലാശാലയില്‍ അദ്ധ്യാപികയായിരുന്ന അതിസുന്ദരിയായ ഒരു സ്ത്രീ 

അവരുടെ മറവിക്കാരനും അലസനും അദ്ധ്യാപകനുമായ ഭര്‍ത്താവ്

അവരുടെ സ്വകാര്യജീവിതം വീഡിയോയില്‍ പകര്‍ത്തി പുറംലോകത്ത് പ്രദര്‍ശിക്കപ്പെടുന്നു

നിഗൂഢമായി അവര്‍ മരണപ്പെടുന്നു

മരണമുറിയിലെ ദൃശ്യങ്ങള്‍

സ്വപ്നം തീരുമ്പോള്‍ അവരുടെ ചിരി മാഞ്ഞുപോയിരുന്നു

ദേഹത്തു തൊട്ടു കളിയ്ക്കുന്നോ ?

ഒരു വേനല്‍ വാരാന്ത്യം

ബീവിയ്ക്കൊരു ബ്രേയ്ക്കാവട്ടേന്നു കരുതി ഊണിനുശേഷം കുട്ടിയെയും കൂട്ടി കറങ്ങാനിറങ്ങി.

ധാരാളം കിലോമീറ്ററുകള്‍ താണ്ടിയ ശേഷം വിശപ്പും ദാഹവും മടുപ്പും മൂലം നഗരാതിര്‍ത്തിയിലൊരു ഭോജനശാലയുടെ മുന്നിലെത്തിയപ്പോള്‍ കുട്ടി മുന്നോട്ടു നീങ്ങാന്‍ കൂട്ടാക്കുന്നില്ല.  

'ആ എക്സ്ക്യൂസ് ആയല്ലോ' എന്ന സന്തോഷത്തില്‍ ഞാന്‍ കുട്ടിയെയുമായി ഉള്ളില്‍ കയറി. 

പരിചാരിക വന്നു. ഉപചാരം ചൊല്ലി.

മെനുവില്‍ ആദ്യം കണ്ട ഭക്ഷണത്തിനും നാരങ്ങാവെള്ളത്തിനും ആജ്ഞ കൊടുത്തു.

കല്‍പന എഴുതിയെടുക്കേണ്ട താമസം, പരിചാരിക മെനുവും കൈയില്‍ എടുത്ത് ഓടി. ദുഷ്ട. ഇനി എന്തെങ്കിലും വേണമെങ്കില്‍ എവിടെ നോക്കി ആജ്ഞ കൊടുക്കും ?

ഭക്ഷണം വന്നത് കഴിച്ചുകൊണ്ടിരിക്കെ പരിചാരിക വന്ന് എന്റെ പുറത്തുതട്ടി ചോദിച്ചു : "എങ്ങനെയുണ്ട് വിഭവങ്ങള്‍ ?"

 

"നന്നായിട്ടുണ്ട്"

പിന്നെയും കഴിപ്പിനിടയില്‍ ഒരു തവണ കൂടി വന്ന് വീണ്ടും പുറത്തുതട്ടി ചോദ്യം : "എവരിതിംഗ് ഓക്കേ ?" 

"തെറ്റില്ല. ഇടയ്ക്ക് വന്നുള്ള ഈ കുശലം ചോദ്യമേ ഒരു ഉപദ്രവമുള്ളൂ"

പരിചാരിക പോയ ഉടനെ കുട്ടി എന്നെ വിളിച്ചു : 

"അച്ഛാ, ആ ചേച്ചി എന്തിനാ അച്ഛന്റെ ദേഹത്ത് തൊട്ടത്?"

ഉത്തരം ആലോചിച്ചുകൊണ്ടിരിക്കെ അവന്‍ തന്നെ ഉറക്കെ ആത്മഗതം ചെയ്തു : "നല്ല അടി കിട്ടാഞ്ഞിട്ടാ"

we are NOT what we eat

News is, "humans are what their mother ate 3 months before her pregnancy" 

ഹൈസ്കൂളില്‍ പഠിച്ചത് പിതാവിന്റെ ക്രോമസോം ആണ് കുട്ടിയുടെ ലിംഗം തീരുമാനിയ്ക്കുന്നത് എന്നായിരുന്നു. പിതാവിന്ല്‍ നിന്നു ലഭിയ്ക്കുന്നത് എക്സ് ക്രോമസോം ആണെങ്കില്‍ പെണ്‍കുട്ടി (എക്സ് എക്സ്), വൈ ക്രോമസോം ആണെങ്കില്‍ ആണ്‍കുട്ടി (എക്സ് വൈ)  

ഈ വര്‍ഷം ആദ്യം രണ്ട് ബ്രിട്ടിഷ് സര്‍വകലാശാലകള്‍ ചേര്‍ന്നു നടത്തിയ സ്റ്റാറ്റിസ്റ്റിക്കല്‍ പഠനം (ബയോളജിക്കല്‍ അല്ല, സ്റ്റാറ്റിസ്റ്റിക്കല്‍. note the point) അനുസരിച്ച്, കണ്‍സെപ്ഷനു മൂന്നുമാസം മുന്‍പ് സ്ത്രീകള്‍ കഴിയ്ക്കുന്ന ഹൈ എനര്‍ജി ഡയറ്റ്, ജനിയ്ക്കാനിരിയ്ക്കുന്ന കുട്ടിയുടെ ലിംഗം വരെ തീരുമാനിയ്ക്കുമത്രേ ! കണ്‍സെപ്ഷനു മുന്‍പുള്ള മൂന്നു മാസത്തിനുള്ളില്‍ അമ്മ കഴിയ്ക്കുന്ന ഭക്ഷണത്തില്‍ ഉയര്‍ന്ന കലോറി, ഗ്ലൂക്കോസ്, സോഡിയം മുതലായവ ഉണ്ടെങ്കില്‍ കുട്ടി ആണാകാനുള്ള സാദ്ധ്യത വളരെ കൂടുതലാണെന്നു ചുരുക്കം. ബ്രിട്ടനിലെയും അമേരിക്കയിലെയും നഗരങ്ങളില്‍ ആണ്‍കുട്ടികളുടെ ജനനനിരക്ക് കുറയുന്നതിനുള്ള കാരണം തന്നെ ജോലിത്തിരക്കുമൂലം അമ്മമാര്‍ പ്രഭാതഭക്ഷണമേ ഒഴിവാക്കുന്നതാണ് എന്നും കണ്ടെത്തിയിരിക്കുന്നു !

സ്കൂളില്‍ പഠിച്ചത് തിരുത്താനൊന്നും ഈ പഠനം പോര. അമൃതയിലോ ശ്രീചിത്തിരയിലോ ഒരു റിസേര്‍ച്ച് നടത്തിയാല്‍, 'പതിവായി ചോറു കഴിയ്ക്കുന്നവര്‍ക്ക് ക്യാന്‍സര്‍ വരും' എന്നു തെളിയിക്കാവുന്നതേയുള്ളൂ. സംഗതി ശരിയായാലും തെറ്റായാലും ഒരു കാര്യം ഉറപ്പാണ്. അമ്മമാര്‍ ഉയര്‍ന്ന ഊര്‍ജ്ജമുള്ള ഭക്ഷണം കഴിച്ചാല്‍, പെണ്ണായാലും കൊള്ളാം ആണായാലും കൊള്ളാം ജനിക്കുന്ന കുട്ടി ഹൈപ്പര്‍ ആയിരിക്കും. പെണ്‍കുട്ടിയെ പ്രസവിച്ചതിന് മരുമകളെ വീണ്ടും പഴി പറയാന്‍ അമ്മായിയമ്മമാര്‍ക്കൊരു അവസരം ഒത്തുവന്നിരിക്കുന്നു he he..

റിവേഴ്സ് റേസിസം

ന്യൂനപക്ഷങ്ങള്‍ക്കും സാമൂഹികമായി പിന്നോക്കം നില്‍ക്കുന്നവര്‍ക്കും (കറുത്തവര്‍ഗ്ഗക്കാര്‍, സ്ത്രീകള്‍) മുന്‍ ഗണന ഉറപ്പുനല്‍കുന്ന അഫര്‍മേറ്റീവ് ആക്ഷന്‍ പോളിസി കാലോചിതമായി പരിഷ്കരിയ്ക്കണമെന്ന് ഉറക്കെചിന്തിച്ചുകൊണ്ട് നിയുക്ത അമേരിക്കന്‍ രാഷ്ട്രപതി ഇന്നലെ നടത്തിയ ഒരു പ്രസംഗത്തില്‍ നിന്നൊരു വാചകം : "so that no poor white kid loses his chance because of affirmative action, in today's social environment"  

ഒരു ആഫ്രിക്കന്‍ അമേരിക്കന്‍ പ്രസിഡന്റായതുകൊണ്ട് അമേരിക്കയിലെ വര്‍ണ്ണവിവേചനം പൂര്‍ണ്ണമായും അവസാനിച്ചു. 

റൂസവെല്‍റ്റ് പ്രസിഡന്റായതോടെ വികലാംഗരുടെ ഉന്നമനം പൂര്‍ത്തിയായി. 

വെളുത്തവര്‍ഗ്ഗക്കാരായി ജനിച്ചതിനാല്‍ അവസരങ്ങള്‍ നഷ്ടപ്പെടുന്നു എന്ന് പരാതിപ്പെടുന്നവര്‍ കൂടിവരുന്നത്രേ !

സാമ്പത്തികമന്ദത കൊണ്ടുള്ള പത്തു പ്രയോജനങ്ങള്‍

ഒന്ന്) കഴിച്ചിട്ട് ഇറങ്ങിപ്പോരാന്‍ നേരം Coke റീഫില്‍ ചെയ്താലും സബ് വേയിലെ പട്ടേല്‍ ആന്റി തുറിച്ചുനോക്കുകയില്ല

രണ്ട്) കെ.എഫ്.സി.യില്‍ ഓര്‍ഡര്‍ ചെയ്ത് കാത്തുനില്‍ക്കുമ്പോള്‍ ആപ്പിറ്റൈസര്‍ കിട്ടും (അതും പോരാഞ്ഞിട്ട് ഓരോ അഞ്ചുമിനിട്ടിലും വന്ന് കുശലം അന്വേഷിക്കേണ്ടിയിരുന്നില്ല)

മൂന്ന്) പലചരക്കുകടയിലെ അസ്സോഷിയേറ്റ്സ് നമ്മളെ കണ്ടാലുടനെ തിരിഞ്ഞുനടക്കുകയില്ല

നാല്) ടെക് സപ്പോര്‍ട്ടിന് വിളിച്ചാലും വിളിച്ചാലും കിട്ടാത്ത 1-800-ലൈന്‍ കിട്ടിത്തുടങ്ങി

അഞ്ച്) വിളിയ്ക്കിടെ ഹെല്‍പ് ലൈന്‍ കട്ടായാലും എ.ടി.&ടി. തിരിച്ചുവിളിയ്ക്കുന്നുണ്ട്

ആര്‍) പിസ്സ ഓര്‍ഡര്‍ ചെയ്യുന്നതു തന്നെ ലക്ഷുവറി ആയി കുട്ടികള്‍ കണക്കാക്കുന്നു

ഏഴ്) ചെക്കിംഗ് അക്കൗണ്ടില്‍ പണം കുമിഞ്ഞുകൂടിക്കൊണ്ടിരിക്കുന്നു

എട്ട്) രണ്ടാഴ്ചയിലൊരിക്കല്‍ പെട്രോള്‍ അടിച്ചാലും കാര്‍ നിര്‍ത്താതെ ഓടും

ഒന്‍പത്) 2 ജി.ബി.യുടെ രണ്ട് റാമുകള്‍ വെറും എഴുപത് ഡോളറിനു കിട്ടും.

പത്ത്) സഹപ്രവര്‍ത്തകരൊക്കെ ഇത്ര നല്ല ടീം സ്പിരിറ്റ് ഉള്ളവരാണെന്ന് ഇപ്പോഴാണ് മനസ്സിലായത്

അഞ്ചുകൊല്ലത്തിലൊരു റിസഷന്‍ എങ്കിലും വേണ്ടതാണ്.

ഉരുകിയുരുകി തീരും മെഴുകിന്‍ തിരികള്‍ പോലെ നാം

ഹണീ, നവംബറിലെ പറ്റുബുക്കില്‍ ഇതെന്താ ഇത്രയും മെഴുകുതിരികള്‍ വാങ്ങിയതായി എഴുതിയിരിക്കുന്നത് ?

പ്രിയനേ, ഭീകരാക്രമണത്തിന്റെ ഇരകള്‍ക്കായി ഉരുക്കിയുരുക്കി തീര്‍ത്തതല്ലേ അതൊക്കെ ?

എന്നിട്ടെന്തായി ?

ഒരു കൂന മെഴുകു മിച്ചം വന്നിട്ടുണ്ട്.

കണ്ടോ അത്രയും പൈസ വേസ്റ്റാക്കിയില്ലേ ?

ഇല്ലല്ലോ. അടുത്ത ആക്രമണത്തിന് ഇതിന്റെ നടുവിലൊരു തിരിയിട്ട് കത്തിയ്ക്കാവുന്നതല്ലേയുള്ളൂ.

ഹരിശ്രീ

അ ആ ഇ ഈ ഉ ഊ ഋ എ ഏ ഐ ഒ ഓ ഔ ക ഖ ഗ ഘ ങ ച ഛ ജ ഝ ഞ ട ഠ ഡ ഢ ണ ത ഥ ദ ധ ന പ ഫ ബ ഭ മ യ ര ല വ ശ ഷ സ ഹ ള ഴ ര റ്റ